HZ Wulka Dubrawa II/Mały Wjelkow II –

Sokoł Ralbicy/Hórki 0:10 (0:6)

Zestawa hosći: Žur – B. Heidorn (66. T. Bejma), Rachela, N. Šnajder, Wałda (46. Matka), Korjenk, Gloxyn (46. R. Šnajder), Mikławšk, Hicka, Mjechela, Janca

Suwerenje su Sokoljo přichodne pokalne koło docpěli. Hrajne zjednoćenstwo Wulka Dubrawa II/Mały Wjelkow II, kotrež hraje we wokrjesnej klasy, bě tón dźeń jasnje přežadane.

Byrnjež trenar Krystof Gloxyn zwučenu zestawu tróšku změnił a někotrym hrajerjam wjace hrajneho časa přizwolił, njebě žadyn łamk porno zašłym hram spóznajomny. Na dobrym trawniku Sokoljo hnydom rjenje kombinowachu. Hižo zahe postaraštaj so Maik Janca a Denny Gloxyn wo změrowacy předskok 2:0 (3., 6.). Rutinjej a škitar Fabian Korjenk doběža k róžkej sobu doprědka a docpě třeće wrota hry z hłowu (17.). Balthasar Heidorn, Tim Hicka a Pawl Rachela zwyšichu rezultat hač k połčasej na staw 6:0.