Třeći koparski ligist FC Energija Choćebuz je w minjenymaj hromaj dalše wažne dypki w boju wo postup do druheje zwjazkoweje koparskeje ligi zhubił. Aktualnje­ je samo na městnje, kotrež krok do wyšeje ligi njewoprawnja.

FC Energija Choćebuz –

SSV Ulm 1:1 (0:1)

FC Energija Choćebuz: Funk – Straudi, Manu, Cvjetinović (70. Thiele), Borgmann, Pelivan, Michelbrink (81. Boziaris), Hannemann (46. Moustfa), Tolcay Ciğerci, Butler (70. Biankadi), Engelhardt

wrota: 0:1 Dajaku (21.), 1:1 Engelhardt (77.)

Hižo třeći raz w tutym lěće njeje nazymski mišter třećeje ligi w domjacym stadionje dobył. A dokelž konkurenca pilnje dypki zběra, je FC Energija swoju dominowacu tabulkowu poziciju wotedała.

W ofensiwje prezentowaše so domjace mustwo z přemało překlepanosću. Hačrunjež měješe Justin Butler hižo w prěnjej mjeńšinje 1:0 na noze, so před wrotami přećiwnika w běhu partije hižo wjele njesta. Jeničce krótko do přestawki bu Erikej Engelhardtej runje hišće bul wot nohi kopnjeny, jako wón centralnje do přihrawki Justina Butlera běžeše.