W nowych rumnosćach maja nětko lěpše wuměnjenja

Montag, 18. Januar 2016
Artikel bewerten
(0 Stimmen)
Jednaćelka hornjołužiskeho zwjazka Carity Manuela Pöpelowa wjeseli so ze swojimi sobudźěłaćerjemi Sylviju Scholz, Andreju Hentsch, Handrijom Rjenčom a Manuelu Gersdorf (wotlěwa) nad nowymi rumnosćemi. Foto:  Carmen Schumann Jednaćelka hornjołužiskeho zwjazka Carity Manuela Pöpelowa wjeseli so ze swojimi sobudźěłaćerjemi Sylviju Scholz, Andreju Hentsch, Handrijom Rjenčom a Manuelu Gersdorf (wotlěwa) nad nowymi rumnosćemi. Foto: Carmen Schumann

Budyšin (CS/SN). Nowe rumnosće móže wot minjeneho pjatka Budyska socialna stacija Carity wužiwać. Po saněrowanju tak mjenowaneho zwóńkoweho domu na Cyrkwinskim naměsće maja tam nětko za poradźowanje samodruhich žonow, migrantow a dalšich wjace městna. Dom je z dotalnym twarjenjom Carity zwjazany a je tež jeno přez njón přistupny. W přizemju zatwarichu nuzniki, kotrež móža kemšerjo susodneje cyrkwje Našeje lubeje knjenje wužiwać, za čož připrawichu separatny přistup.

Wobnowjenje traješe něšto měsacow dlěje hač planowane. Poprawom měješe dom hižo w lěću hotowy być. Wšitko pak so dliješe, dokelž běštej twar w hišće špatnišim stawje hač wočakowane a třěcha dospołnje dodźeržana. W swojej dźensnišej formje bě dom wokoło lěta 1800 nastał. W nim wužiwaše cyrkej dwě bydleni, jedne hač do 1990tych lět za zwóńka Serbskeje cyrkwje. Pozdźišo zwučowaše tu šulerska kapała. Na kóncu bě dom tójšto lět prózdny. Farar Wito Sćapan je jón pjatk požohnował, wo hudźbne wobrubjenje postaraštaj so Friedemann Böhme a Karl-Heinrich Starke.­

Veröffentlicht in Socialne
Bitte anmelden, um einen Kommentar zu posten

Anzeige