Starosće dnjowych maćerjow politisce wobjednać

Mittwoch, 26. April 2017
Artikel bewerten
(0 Stimmen)
Na wopyće pola Gabriele Měrćinkoweje běštaj wčera Simone Kühnert a Lothar Bienst (wotprawa).  Foto: Feliks Haza Na wopyće pola Gabriele Měrćinkoweje běštaj wčera Simone Kühnert a Lothar Bienst (wotprawa). Foto: Feliks Haza

Jaseńca (SN/MiR). Přiwzaty być – wšojedne hač sy runje lěto abo hižo dlěje na swěće –, to sej kóždy přeje. Kubłansko­politiski rěčnik frakcije CDU w Sakskim krajnym sejmje Lothar Bienst a Simone Kühnert, projektowa nawodnica ze zarjada za informaciju a koordinaciju wšědneho dnjoweho hladanja dźěći w Sakskej (IKS), kotryž je přirjadowany sakskemu Paritetiskemu dobroćelskemu zwjazkej, staj tole wčera w Jaseńcy začuwałoj. Pjeć dźěći, wo kotrež so dnjowa mać Gabriela Měrćinkowa stara, zapřija jeju do swojeje hry. „To je dobre znamjo, zo dźěći z hrajkanjom pokročuja, kaž zo bychu mjez sobu byli. Wone so tule derje čuja“, rjekny sakski politikar. Přičina wopyta je angažement zarjada IKS, šěrić wědu wo skutkowanju dnjowych maćerjow a nanow. Wšako je w systemje hišće dosć njerozrisanych prašenjow. Tajke na přikład je, kak sy w padźe chorosće zawěsćeny. „To je woprawdźe wulki problem“, zwurazni Gabriela Měrćinkowa, „sym-li chora, dóstawam jeno za dźěl tychle dnjow chorobny pjenjez ze stron komuny, mam pak płaćić wupomoc.“ Za Lothara Biensta je to přičina jednać.

Veröffentlicht in Socialne
Bitte anmelden, um einen Kommentar zu posten

Anzeige