Hladanski dialog nastork był

Mittwoch, 17. Oktober 2018
Artikel bewerten
(0 Stimmen)

Budyski wokrjes bě minjenu póndźelu druha stacija tak mjenowaneho hladanskeho dialoga Sakskeje. Zarjadowanje přewjeduje ministerstwo we wšěch 13 wokrjesach w Sakskej. Na městnje pyta přisłušne ministerstwo za socialne a škit přetrjebarjow rozmołwu z ludźi­mi. Na zarjadowanju w Smochćicach je so statna sekretarka za strowotnistwo Regina Kraushaar wobdźěliła.

Budyšin/Smochćicy (SN/at). Wjesnjanosća, w hladanju dźěłacy, komunalni politikarjo a dalši potrjecheni, jich je něhdźe połsta wosobow, běchu póndźelu do Smochćic přijěli. Jich wid na tule wažnu towaršnostnu temu zastupjerjow ministerstwa wosebje zajimowaše. „Chcemy předewšěm připosłuchać, wšako móžemy jeno zhromadnje wujasnić, što a štó je za dobre hladanje trjeba“, rjekny statna sekretarka Regina Kraushaar. Zwěsćić chcychu, hdźe klaca, a zhonić, kotre dobre ideje su wobdźěleni w regionje nastupajo hladanje hižo wuwili.

Veröffentlicht in Socialne
Bitte anmelden, um einen Kommentar zu posten

Serbska debata

Neuheiten LND