HZ Pančicy-Worklecy wuspěšne

Montag, 21. Oktober 2019
Artikel bewerten
(0 Stimmen)
Wolejbulistkam prěnjeho mustwa Hrajneho zjednoćenstwa Pančicy-Worklecy je so optimalny start do hrajneje doby 2019/2020 poradźił. Trójce su Pančičanki a Worklečanki dotal hrali, trójce su wone dobyli.  Foto: Jörg Stephan Wolejbulistkam prěnjeho mustwa Hrajneho zjednoćenstwa Pančicy-Worklecy je so optimalny start do hrajneje doby 2019/2020 poradźił. Trójce su Pančičanki a Worklečanki dotal hrali, trójce su wone dobyli. Foto: Jörg Stephan

Wolejbul, wobwodna liga žonow – wuchodna Sakska:

1. Koblicy-Ladykracher 3 9 :1  9

2. HZ Pančicy-Worklecy 3 9 :2  9

3. TSV Kundraćicy  3 5 :6  4

4. Doprědka Rothenburg 1 3 :1  3

5. Nysa Wolejs 2 3 :3  3

6. OSC Lubij  2 4 :5  2

7. Ochranowske wolejf. 3 3 :9  0

8. MSV Budyšin 04 II 2 0 :6  0

9. ST Kupoj-Nowa Łuka 1 0 :3  0


Prěnje zastup­nistwo Hrajneho zjednoćenstwa Pančicy-Worklecy, kiž hraje we wobwodnej lize wuchodna Sakska, měješe sobotu tydźenja dypkowu hru w Rychbachu (Reichenbach). Po tym zo bě druhe­ zastupnistwo hižo dopołdnja wuspěšnje hrało a sej prěnje tři dypki sezony zawě­sćiło, běchu hrajerki HZ Pančicy-Worklecy popołdnju na rjedźe.

Z kadrom jeno šěsć hrajerkow dźěše za prěnje mustwo do Rychbachskeje ćěło­zwučowarnje k žonam Nysa Wolejs. Najprjedy pak měješe hosćićel přećiwo druhemu zastupnistwu MSV Budyšin hrać. Z jasnym dobyćom 3:0 za domjacych běše­­ hra po 64 mjeńšinach nimo. Nětko smědźachu hosćo z Pančic a Wor­klec poka­zać, što zamóža. Zaměr bě jasny – na dobry start sezony před njedźelomaj w domjacej hali (dwě dobyći z dweju hrow a z tym połne šěsć dypkow) nawjazać. Po kopolatym starće přez nadběhi a nadaća, kiž so njepora­dźichu, móžachu sej žony prěnjeho zastupnistwa sčasom swój předskok wutwarjeć.

W druhej hrajnej fazy prěnjeje sadźby namakachu woni k jich starej formje a samo nadběhi ze zadnjeho pola běchu wuspěšne. Tak dźěše prěnja sadźba z jasnym­ 25:10 na hosći. Tež dalšej sadźbje dominowachu žony prěnjeho za­stupnistwa z 25:13 a 25:11. Z tym rěkaše po 52 mjeńšinach 3:0 za hrajne zjed­noćenstwo a dalše tři dypki běchu zawěsćene. Potajkim bě prěnje zastup­nistwo tam nawja­zało, hdźež bě druhe do­poł­dnja přestało. Z dobyćom druhe městno w tabulce wobwodneje ligi zakituja.

Za Hrajne zjednoćenstwo Pančicy-Worklecy zasadźeni běchu: Jana Kralec, Kathrin Spiesec, Marina Köhler, Johanna Fieglerec, Christin Opicec a Jennifer Otto. Trenar: Stephan Mühl

Jennifer Otto a Tereza Wićazowa

Veröffentlicht in Sport
Bitte anmelden, um einen Kommentar zu posten

Anzeige