Kónctydźenski wolejbul
Domjacy hrajny dźeń změje sobotu w Pančicach-Kukowje prěnje wolejbulowe mustwo žonow HZ Pančicy-Worklecy. Třeći wobwodneje ligi wočakuje wot 14 hodź. poslednjeho tabulki MSV Budyšin 04 II a wot 16 hodź. tabulkoweho susoda TSV Kundraćicy. Z dobyćomaj 3:1 abo 3:0 a k tomu hišće ze špatnym wuslědkom Rózborčankow móhł so hwězdźičkam-mickam skok na poziciju jedyn w tabulce poradźić. Dalšej hrě:
30.11. 14:00 CVJM Zhorjelc –
Viktoria Worklecy
30.11. 14:00 VV Žitawa 09 III –
HZ Pančicy-Workl. II (ž)
Turněr pod wysokim sakom
Serbske młodźinske towarstwo Pawk zarjaduje njedźelu, 22. decembra, zaso swój tradicionalny wolejbulowy turněr, a to w sportowej hali w Pančicach-Kukowje. Zo bychu sej sportowče a sportowcy hodownu pječeń bjez hubjeneho swědomja zesłodźeć dać móhli, smědźa so wšitcy hišće raz porjadnje wucychnować. Přizjewjenja su na Facebookstronje Pawka móžne abo přez mejlku board-pawk@ gmx.de. Turněr započnje so w 19 hodź., startowy pjenjez wučinja 10 eurow.
Serbski Sokoł turněr přesunył