Šulerjo z wulkej wutrobu

Mittwoch, 01. Juli 2020
Artikel bewerten
(0 Stimmen)
Šulerjo rjadownje 4 a Wojerowskeje zakładneje šule „Handrij Zejler“ su předsydce spěchowanskeho towarstwa Worklečanskeje wyšeje šule „Michał Hórnik“ Antje Bobcynej wčera pjenježny dar přepodali.  Foto: Jakub Bobka Šulerjo rjadownje 4 a Wojerowskeje zakładneje šule „Handrij Zejler“ su předsydce spěchowanskeho towarstwa Worklečanskeje wyšeje šule „Michał Hórnik“ Antje Bobcynej wčera pjenježny dar přepodali. Foto: Jakub Bobka

Kaž je to poprawom stajnje w 4. lětniku z wašnjom, měješe tež tón Handrija ­Zejlerjoweje šule we Wojerecach za kónc zakładnošulskeho časa rjadownisku jězbu planowany. Koronapandemije dla pak njeje ju přewjesć móhł.

Wojerecy (jab/SN). Rjadowniska wučerka rjadownje 4 a Silwija Wjeńcyna bě připadnje wo akciji Serbskeho Sokoła a spěchowanskeho towarstwa Worklečanskeje wyšeje šule „Michał Hórnik“ zhoniła. Zhromadnje chcedźa tam pjenjezy zběrać, zo móhła na rědki genowy defekt schorjena holca wot noweho šulskeho lěta we Worklecach do šule chodźić. Za to je trjeba wutworić wšelke wuměnjenja, a tak nětko pjenjezy zběraja.

Silwija Wjeńcyna je swojich šulerjow na zaměr předewzaća skedźbniła. Spěšnje zwuraznichu woni za to zajim a informowachu so we wučbje wo chorosći xeroderma pigmentosum. Wažne za po­trjechenych je so wotpowědnje před słónčnymi pruhami škitać. Zdobom je wučerka dźěćom zbližiła, kak ćežko sej pacienća maja wšědny dźeń zmištrować.

Veröffentlicht in Socialne
Bitte anmelden, um einen Kommentar zu posten

Serbska debata

Neuheiten LND