Pod lipami k swjedźenjej so zetkali

Mittwoch, 28. Juli 2021
Artikel bewerten
(0 Stimmen)
Kapała Holaski je njedawno w parku Smječkečanskeho Domu swj. Jana we wobłuku lětnjeho swjedźenja koncertowała.  Foto: Carolin Heintze Kapała Holaski je njedawno w parku Smječkečanskeho Domu swj. Jana we wobłuku lětnjeho swjedźenja koncertowała. Foto: Carolin Heintze

Smječkecy (AJH/SN). Park Smječkečanskeho Domu swj. Jana tworješe njedawno krasnu zelenu přirodnu kulisu zabawneho zetkanja wobydlerjow domu a jeho sobudźěłaćerjow. W běhu dnja přeměni so park na mału oazu, wupyšenu z kwětkami, latarnčkami, pisanymi chorhojč­kami a lampkami za lětni swjedźeń.

Pod lipami dožiwichu přitomni dwuhodźinski koncert skupiny Holaski. Po dołhej přestawce pandemije dla móžachu Donatec bratřa a jich bubnar Kito Mark ­nětko zaso z połnym zapalom najwšelakoriše hity a oldije zahrać. Paleta sahaše wot serbskich ludowych pěsnjow přez němske štučki hač k swójskim kompozicijam kapały.

Dale mytowaše Weronika Bartowa jako zamołwita za sport ze zbrašenymi ST Marijineje hwězdy kóždeho wobdźělnika digitalneho jubilejneho běha Pančičanskeho sportoweho towarstwa, kotrež wob­steji mjeztym sto lět, z wopismom, me­dalju abo pokalom. Jubilejny běh wotmě so pandemije dla jako alternatiwa k integraciskemu sportowemu swjedźenjej.

Veröffentlicht in Socialne
Bitte anmelden, um einen Kommentar zu posten

Serbska debata

Neuheiten LND