Wjerški „pjateho počasa“ w srjedźišćach póstnicow ludźi zabawjeja

Kulow/Köln (SN/mb). Skónčnje, po lětach wobmjezowanjow pandemije dla, móža ludźo w srjedźišćach póstnicow po cyłym kraju hišće hač do jutřišeho „pjaty počas“ z połnej paru wužiwać. Karnewal we wokrjesu Heinsberg běše 2020 po analyzy wirologow prěnje wulke „palnišćo“ wupřestrěwanja korony zawinował – ćim rjeńšo, zo je lětsa zaso póstniska zabawa najbóle natykliwa. Tež w delnjołužiskej metropoli Choćebuz je „ćah wjesołych ludźi“ dźesaćitysacy wopytowarjow zahorił, kotřiž su sej najwjetši póstniski ćah po cyłej wuchodnej Němskej z tři tysac aktiwnymi z Berlina, Braniborskeje a susodneje Sakskeje wobhladali. Tež Choćebuske statne dźiwadło je dwaj dnjej do toho z přesadźowanjom kostimow k pisanemu wuhotowanju přinošowało. W Kulowje su měšćenjo a ludźo z wokolnych wsow hižo sylnje 317. karnewalowu sezonu swjećili. Dalši wjeršk běše póstniski ćah žonow, na kotrymž je so lětsa zaso tójšto serbskich skupin wobdźěliło. Hišće přeprošuje 22 barow wšěch, kotřiž chcedźa dale hejsować.