Rěčna hodźina raz hinak

Montag, 10. April 2017
Artikel bewerten
(0 Stimmen)

Budyšin. Nawjazujo na swoju prěnju rěčnu­ hodźinu pod hołym njebjom loni w septembru chcedźa čłonojo Budyskeje měšćanskeje rady tule formu rozmołwow z wobydlerjemi přichodnje časćišo wužiwać. „Na te wašnje chcemy ludźom zmóžnić, zo z radźićelemi direktnje do rozmołwy přińdu“, praji zastupowacy šef frakcije CDU Patrick Höhne. Přichodna tajka rěčna hodźina pod hołym njebjom budźe srjedu, 12. apryla, wot 15 do 18 hodź. na Žitnych wikach.

Po zwěrjencu so rozhladować

Wojerecy. Na dojutrowne wodźenje přeprosy Wojerowski zwěrjenc ćichi pjatk. W 10 a w 14 hodź. poskića zajimcam składnosć, so wot fachowcow po zwěrjencu wodźić a sej nowosće rozkłasć dać. Wobdźělnicy mjez druhim zhonja, kotrych nowych wobydlerjow maja w tropowym domje a kak nowa připrawa za kenguruwy wupada. Nimo toho wotmołwjeja fachowcy wězo tež na prašenje, kotre zwěrjata w coowje jeja lahnu.

Nowe wusyłanje

Budyšin. „Budyšin přewjerći“ rěka nowe wusyłanje radijoweje redakcije Budyskeho Sakskeho wukubłanskeho a wupruwowanskeho kanala (SAEK). Wusyłanje je słyšeć kóždu póndźelu na internetnej stronje www.saek-bautzen.de wot 20 do 22 hodź. Mjez druhim wopytachu rozhłosownicy arabski swjedźeń nouruz w Budyskim Kamjentnym domje. Jednotliwe přinoški móža zajimcy na samsnej stronje kóždy čas słyšeć.

Veröffentlicht in Z městow a wsow
Bitte anmelden, um einen Kommentar zu posten

Anzeige