Přepodadźa nasćěnowy wobraz

Donnerstag, 22. August 2019
Artikel bewerten
(0 Stimmen)

Chrósćicy (SN). Štóž ze Zejic do Chrósćic jědźe, je minjene dny zawěsće hižo nowu atrakciju wsy widźał, mjenujcy wulki nasćěnowy wobraz na Kralec statoku. Nimale tři tydźenje je Berlinski grafikar Šćěpan Hanuš na kromje Chrósćic dźěłał a wobraz „Serbske potajnosće“ stworił. Je to dobyćerski projekt krajneho wjesneho kuratorija we wobłuku wubědźowanja sakskeho ministerstwa za wobswět a ratarstwo „Ideje za wjesnu kónčinu“. Nastata twórba njewabi jenož wóčko, ale pohnuwa zdobom k rozmyslowanju wo hódnotach, žiwjenskim nastajenju a socialnych poćahach. Wobraz chcedźa jutře w 13 hodź. přepodać. Přitomni budu nimo Šćěpana Hanuša statny sekretar dr. Frank Pfeil, Chróšćanski wjesnjanosta Marko Kliman (CDU), jednaćel krajneho wjesneho kuratorija Peter Neunert a dalši hosćo. Tež zajimcy su wutrobnje witani.

Na čitanje a wodźenje

Veröffentlicht in Z městow a wsow
Bitte anmelden, um einen Kommentar zu posten

Anzeige