Wojerecy. Na wotewrjenje wustajeńcy pod hesłom „Kunstraum XIV Maja Nagel ungelöst“ z twórbami serbskeje tworjaceje wuměłče Maje Nageloweje su zajimcy pjatk, 1. nowembra, w 19 hodź. do Wojerowskeje Kulturneje fabriki přeprošeni. Wernisaži přizamknje so koncert. Projekt „wuměłstwowy rum XIV“ spěchuje Załožba za serbski lud.

Předawaja kartki za koncert

Malešecy. Župa „Jan Arnošt Smoler“ Budyšin a Załožba za serbski lud přeprošatej na nazymski koncert do Malešanskeho hosćenca „Wódny muž“, kotryž budźe sobotu, 2. nowembra. Program wuhotuja Serbski folklorny ansambl Wudwor kaž tež skupinje Přezpólni a Brankatschki. Zastupne lisćiki dóstanjeće w předpředani za wosom eurow w Budyskej Serbskej kulturnej informaciji, pola Hendrichec w Barće a w Malešanskim wobchodźe Bärbel’s Einkaufseck.

Wo bibliotekach a zběrkach