Tradicionalne běhi wokoło Brusnika dale woblubowane
W Běłej Wodźe wokoło idyliskeho Brusnika su mjeztym 27. króć woblubowane wurisanje běharjow přewjedli. 295 sportowcow wot lětnika 1932 hač k 2015 je so na jednej, swojej starobje wotpowědnej distancy 0,8 km, 2,0 km, 5,0 km abo 10 km wubědźowało. Mjez nimi běše kaž kóžde lěto tež zaso horstka Serbow. Běhi hódnoćachu hišće za lětušu rjadnu lisćinu Delnjołužiski cup a za Pokal wjercha Pücklera. Wobdźělnicy běchu hłownje z wobeju Łužicow, Choćebuza, Drježdźan, Berlina a dalšich kónčin Sakskeje a Braniborskeje.