ST Lichtenberg 47
– FC Energija Choćebuz 0:2 (0:1)
Zestawa hosći: Moser – Zickert, Müller, Koch, Borgmann, Eisenhuth, Bektić, Broschinski, Taz (84. Yildirim), Rangelow (90. Geisler), Brügmann (89. Beyazit)
Hońtwa za načolnikom bě z wonkownym dobyćom koparjow FC Energije 2:0 přećiwo nowačkej swój prěni wjeršk docpěła, a to tohodla, dokelž njejsu dalše načolne mustwa na druhich hrajnišćach połnje dypkowali. Před startom do druheje połserije bě to wězo jara dobra konstelacija, wšako nastupištej na přichodnym hrajnym dnju prěni a druhi napřećo sebi. W Lichtenbergu rozsudźi so trenar Claus-Dieter Wollitz najprjedy raz za defensiwnu wariantu, nadźiješe pak so na kontery. Prěni tajki nadběh po poł hodźinje wjedźeše k 0:1 (35.). Přez staciji Tobias Eisenhuth a Moritz Broschinski běžeše kulowata koža perfektnje přez rjady hosći. Dimitar Rangelov třěli na to nawjedowanje.