Po wuchodźe putnikował

Donnerstag, 19. Dezember 2019
Artikel bewerten
(0 Stimmen)

Chrósćicy. Něhdźe tysac kilometrow dołhi­ je Jakubowy puć podłu historiskeje Via regije wot ukrainskeje hranicy přez Pólsku hač do Zhorjelca. Po tej čarje je prof. Gerd Gellißen w dwěmaj wotrěz­komaj pěši putnikował, a to w lětomaj 2017 a 2018. Wo tym přednošuje emeritowany profesor, horliwy putnik a prezident Bratstwa swjateho Jakuba z Düsseldorfa, z wobrazami přichodnu sobotu, 21. decembra, w 19.45 hodź w Chróšćanskej putniskej hospodźe. Nimo wosobinskich dožiwjenjow Gellißen tohorunja wopisuje, što putniska šćežka ze swojej přirodu, stawiznami a wuměłskimi stawiznami skići. Wutrobnje přeprošeni su wšitcy putnicy, tajcy, kotřiž chcedźa so hakle z putnikom stać, a wězo tež wšitcy zajimcy zbliska a zdaloka.

Tohorunja sobotu, ale hižo w 16 hodź., su najmłódši znowa na bajku do Chróšćanskeje putniskeje hospody prošeni. Ćeta Monika baje jim tónraz wo „Třoch přećach“.­

Popołdnjo krótkofilmow

Veröffentlicht in Z městow a wsow
Bitte anmelden, um einen Kommentar zu posten

Serbska debata

Neuheiten LND