Přemučni prěnju testowu partiju přěhrali

Montag, 10. August 2020
Artikel bewerten
(0 Stimmen)
Wokrjesny wyši ligist z Hbjelska měješe doma přećiwo wokrjesnemu ligistej z Radworja jasnu přewahu a doby testowu hru z 5:2.  Foto: Jörg Stephan Wokrjesny wyši ligist z Hbjelska měješe doma přećiwo wokrjesnemu ligistej z Radworja jasnu přewahu a doby testowu hru z 5:2. Foto: Jörg Stephan

ST Hbjelsk 1923

– ST 1922 Radwor 5:2 (2:0)

Za hosći zasadźeni: P. Grenzemann – S. Reineke, Jakob Wjacławk, F. Šěrak, M. Paška, S. Kral, P. Hančik, J. Glücklich, Jo­hannes Wjacławk, L. Pěčak, T. Schulze, C. Šěrak, A. Schulze, K. Hetaš, J. Wróbl, B. Sćapan

Při horcym wjedrje a po napinacym treningowym tydźenju bě sej wokrjesny koparski ligist z Radworja k wokrjes­nemu wyšemu ligistej do Hbjelska pola Wósporka dojěł. Chětro mučny startowaše Radworski cyłk pomału do hry. Před pjeć měsacami bě swoju poslednju winowatostnu hru měł, štož běše tež widźeć. Hižo w 12. min. padny 1:0 za domjacych. Woni njezahrate mustwo z Ra­dworja zas a zaso nadběhowachu a móžachu jeho škit z dołhej třělwu do wrotow znowa přewinyć (24.)

Radworski trenar Mario Bischof je wšelakore zestawy mustwa wupruwował. Tak nasta wjele zmylkow při přihrawkach, a tak dóńdźe tež k třećim wrotam za Hbjelsk (57.). Z pomocu Paula Hančika (67.) a Fabiana Šěraka (82.) móžachu koparjo ST 1922 Radworja na 3:2 skrótšić. Na to jich mocy wopušćichu. Domjacy tłóčachu hišće někotre razy do pře­ćiwniskeje połojcy a trjechichu hišće­ dwójce w 87. min. a we 88. min.

Facit: Prěnja testowa hra w času ko­rony bě za Radworskich koparjow kaž wočakowane wotběžała. Tak maja hišće wjele dźěła před sobu. Hladajo na nowe mjezwoča pak wuličeja sej dobre šansy za porjadnu sezonu. Julien Glücklich

Veröffentlicht in Sport
Bitte anmelden, um einen Kommentar zu posten

Anzeige