Drježdźany (SN/at). Sławnemu Heinza Steyerowemu stadionej w Drježdźanach, kotryž je runje tak hornjołužiskim přiwisnikam sporta přewšo znata adresa, kiwa kedźbyhódny přichod. Krajna stolica inwestuje 37,3 miliony eurow za moderne wubědźowanišćo a treningownišćo za načolny kaž tež masowy sport.
Drježdźanski wyši měšćanosta Dirk Hilbert (FDP) je pře- a wutwar na stawizny bohateho stadiona w sportowym parku Ostra předwčerawšim startował.
