Kamjenc. Kamjenski Muzej Zapadna Łužica přeprosy jutře, sobotu, 10. awgusta, w 17 hodź. w ramiku lětušeho Hudźbneho lěća na geologiske pućowanje po Kamjencu. W běhu połdra hodźiny předstaji dipl.-geol. Frank Bretschneider zwisk mjez mjenom Kamjenc a kamjenjom. Za ekskursiju měli so zajimcy přizjewić pod telefoniskim čisłom 03578 788310 abo z mejlku pod .

Na swjedźenske hry

Brětnja/Michałki. Wot dźensa hač do njedźele wuhotuja we wsy Brětnja/Michałki serbsko-němske swjedźenske hry, kotrež dźensa wječor, w 19 hodź. z korčmarskim kwisom zahaja. Jutře wotměja na swjedźenišću wot 18 hodź. reje z kapału „Dreiklang“ a wohnjowu show. Njedźelu přeproša w 9.30 hodź. na swjedźenske kemše Janskeje wosady Wojerecy a Čorny Chołmc do Mjetašec bróžnje. Po tym zahudźi na nawsy Rakečanski dujerski orchester. Popołdnju wot 14 hodź. budźe program ze serbskej rejowanskej a drastowej skupinu, dźěćacej rejowanskej skupinu Brětnja/Michałki a Čorny Chołmc kaž tež ze skupinu „Juta“.

Najwjetša show Sakskeje