Budyšin. Zhromadne spěwanje Zwjazk serbskich spěwarskich towarstwow tež w lětnim času dale poskića. Zetkanja wotměwaja so prawidłownje kóždu prěnju wutoru měsaca we 18 hodź. w chórowej rumnosći Serbskeho ludoweho ansambla. Přichodny termin je jutře, wutoru. Dalše su planowane za 1. julij, 5. awgust a 2. september. Wšitcy su wutrobnje witani!
Narodna drasta w běhu časow
Kulow. Syć za serbsku rěč a regionalnu identitu ZARI, kotraž skutkuje we wobłuku Domowiny, poskići wutoru, 3. junija, w 17 hodź. w Kulowskim Jakubecowym wustawje přednošk wo serbskej katolskej drasće w běhu časow. Přednošować budźe muzeologowka w Budyskim Serbskim muzeju Andrea Pawlikowa. Mjez druhim wona rozłoži, kajka je drasta hdy wupadała, kak so jednotliwe dźěle mjenuja a kajke su regionalne rozdźěle. Zajimcy su wutrobnje přeprošeni.
Z archiwa radnicy
