FC Energija Choćebuz –

VfB Stuttgart II 5:0 (2:0)

Zestawa Energije Choćebuz: Funk – Rorig, Manu, Campulka, Lucoqui (63.Hannemann), Pelivan (83.Moustfa), Boziaris (63.Michelbrink), Borgmann, Ciğerci, Thiele (73.Tattermusch), Engelhardt (72.Butler)

wrota: 1:0 Engelhardt (5.), 2:0 Rorig (40.), 3:0 Engelhardt (54.), 4:0 Campulka (66.), 5:0 Hannemann (90.+2)

To bě jasny a zasłuženy wuspěch za FC Energiju Choćebuz. Hižo prěnje wrota překwapichu, wšako tajki róžk pola FC Energije hišće dožiwili njejsu. Jannis Boziaris nastupi k róžkej a Erik Engelhardt steješe při krótkej žerdźi. Posledni mjenowany zaměstni bul potom z hłowu we wrotach. Na dalše wrota dyrbjachu přihladowarjo kusk dlěje čakać – hakle krótko do přestawki docpě Henry Rorig ze swojim wólnym kopom ze zdalenosće 18 metrow nawjedowanje za Choćebuz. Energija hru dominowaše a hosćom přestawku za wodychnjenje njedowoli.