Budyšin. Rěčny centrum WITAJ (RCW) a Kamjentny dom poručitej zetkanje swójbow w Budyskim Nowym měsće. Njedźelu, 9. nowembra, chcedźa w sportowni Fichtoweje zakładneje šule wot 13 do 18 hodź. sportować a hry hrać. ­Nimo toho zaběraja so w dźěłarničce z idejemi za nowe město. Zajimcy njech sej prošu sportowe črije a napoje sobu přinjesu. Wo přikusk postara so RCW.

Sobota nazymskich koncertow Hórki/Budyšin/Janšojcy. Jan a Helena Brězan-Hejduškec zahudźitaj a zaspěwataj jutře, 8. nowembra, w 19 hodź. na nazymskim koncerće na žurli Smolic statoka w Hórkach.

Hižo w 16 hodź. zaspěwaja spěwarki a spěwarjo Radworskeho chóra Meja na nazymskim koncerće w Budyskim Serbskim domje. W programje maja twórby z pjera Jurja Winarja, mjez kotrymiž budźe tež wosebita překwapjenka.

Tohorunja jutře, we 18 hodź. su w Janšojcach w hosćencu „K lipje“ skupina „Přezpólni“ a Smjerdźečanscy rejowarjo z hosćom.

Swjedźeń z dobrej rybu