Budyšin. Swing kombinowany ze serbskim soulom zaklinči, hdyž koncertuje jutře, sobotu, wot 20 hodź. kapała Kula Bula w Budyskej dźěłarni Dźěłań dźeń na Sukelnskej 18. Kula Bula wěnuje so jónkrótnej měšeńcy swinga, jazza, mjezynarodneje folklory a serbskeje hudźby, při čimž tež rockowe zynki a funk njepobrachuja.

Zhromadnje spěwać

Budyšin. Zwjazk serbskich spěwarskich towarstwow (ZSST) přeprošuje na dalše zhromadne spěwanje. Wone wotměje so wutoru, 3. měrca, we 18 hodź. w chórowej rumnosći Serbskeho ludoweho ansambla. Wšitcy zajimcy su wutrobnje přeprošeni.

Zahaja pućowansku sezonu

Pančicy-Kukow. Wotrjad za pućowanje sportoweho towarstwa Marijina hwězda zahaji njedźelu, 1. měrca, swoju lětušu pućowansku sezonu. Zajimcy zetkaja so w 9.30 hodź. na parkowanišću při Kimbarku. Wottam póńdźe po dźewjeć kilometrow dołhej čarje na najwyši dypk Wotrowa. Wobdźělnicy měli sej něšto k jědźi a napoje w nachribjetniku sobu přinjesć a zdobom na wjedru wotpowědnu drastu dźiwać. Wobdźělenje płaći na dorosćeneho dwaj euraj. Wšitcy su wutrobnje witani.

Přeprošuja na kónc tydźenja