Koslow. Lětsa je tomu 40 lět, zo w Koslowje mejemjetanje přewjeduja. Tohodla tamniše wjesne towarstwo „K žorawjej“ přichodny kónc tydźenja hnydom dwaj dnjej na swjedźeń přeprošuje. Sobotu, 9. meje, wočakuje wjesnjanow a wopytowarjow zabawa wokoło meje. Wot 17 hodź. změja za dźěći hry spřihotowane. Wječor přizamknje so pisany program za wjesnjanow a jich přećelow. Wo rejwansku hudźbu postara so DJ Max. Njedźelu přeprošuja wot 10 hodź. na rańše piwko a tradicionalny koparski turněr. Wot 14 hodź. poskićuja kofej a tykanc. K tomu zaklinči dujerska hudźba. We wobłuku kulturneho programa chcedźa potom meju powalić.

Pěstowarnju dale wužiwaja