Na Budyskim Tuchorju rozžohnowachu so dźensa popołdnju swójbni, přećeljo, Domowinjenjo, bywši kolegojo a bywše koleginy z wjelelětnej sekretarku w zwjazkowym sekretariaće narodneje organizacije Lizku Grósowej. Po žarowanskej swjatočnosći, na kotrejž hódnoćeše rěčnik Lotar Koban žiwjenje a powołanske skutkowanje njeboćičkeje, bu jeje popjelnica na znatym Budyskim pohrjebnišću pochowana.