Prócuja so dale wo jednotne stejišćo k noweli šulskeho zakonja

Choćebuz (SN/JaW). Domowina prócuje so dale wo jednotne stejišćo Serbow k noweli sakskeho šulskeho zakonja. Wo tym informowaše předsyda třěšneho zwjazka Dawid Statnik čłonow Zwjazkoweho předsydstwa Domowiny sobotu w Choćebuzu. Prócowanja, z Radu za serbske naležnosće Sakskeje a Serbskim šulskim towarstwom (SŠT) zhromadne stejišćo zdźěłać a so dojednać, koho měł stat w kubłanskich naležnosćach słyšeć, su tež po wjacorych rozmołwach, kompromisnych namjetach a pospytach, z SŠT kooperaciske zrěčenje wujednać, zwrěšćili. Zwólniwosć předsydy kompromisy namjetować zbudźi diskusije.