Hudźbne dopołdnjo na statoku

Dienstag, 30. Mai 2017
Artikel bewerten
(0 Stimmen)
Tež čłonki a čłonojo Slepjanskeho dźěćaceho a młodźinskeho ansambla su so zawčerawšim na hudźbnym dopołnju w Trjebinje wobdźělili.  Foto: Martina Arlt Tež čłonki a čłonojo Slepjanskeho dźěćaceho a młodźinskeho ansambla su so zawčerawšim na hudźbnym dopołnju w Trjebinje wobdźělili. Foto: Martina Arlt

Trjebin (JoS/SN). Dwójce wob lěto organizuje Trjebinska Domowinska skupina na swojim Šusterec statoku njedźelne hudźbne dopołdnjo. Tule idylisku městnosć su lěta 2010 přepodali a wot toho časa so Domowinska skupina wo nju stara. „Ze Šusterec statokom je so tež dźěło našeje skupiny wožiwiło, dokelž so tule jeno zhromadnje njezetkawamy, ale so tež zhromadnje wo twarjenja a ležownosć staramy“, rozłožuje předsydka nimale 70 čłonow wopřijaceje Domowinskeje skupiny Angelika Balccyna.

Zawčerawšim je wona w Trjebinje wjace­ hač sto wopytowarjow witała. K hudźbnemu wobrubjenju běchu sej tónraz Lóštnych muzikantow ze Syjka (Graustein) pola Grodka, Slepjanski dźěćacy a młodźinski ansambl kaž tež předšulske dźěći Trjebinskeje pěstowarnje „Lutki“ přeprosyli. Bróžeń na Šusterec statoku bě hač na poslednje městno wobsadźena, jako dźěći na jewišćo stupichu a swój program pokazachu. K tomu kubłarka Doreen Balcerowa jich drastu publikumej předstaji. Tak wopytowarjo zhonichu, zo maja předšulske holčki čerwjenu­ suknju a čerwjenu falu, šulske holcy pak zelenu suknju a běłu falu.

Veröffentlicht in Towarstwa
Bitte anmelden, um einen Kommentar zu posten

Serbska debata

Neuheiten LND