Budyšin (SN/CoR). „Lubi ludźo, to bě dołhi, napinacy dźeń a sće super sobu dźěłali.“ Z tymile słowami je so wčera popoł­dnju po cyłodnjowskej probje nawoda chóra 1. serbskeje kulturneje brigady Friedemann Böhme z młodymi spěwarjemi w awli Budyskeho Serbskeho gymnazija rozžohnował. Zwučowanje za tradicionalny adwentny koncert brigady kónc tydźenja w Budyskej Michałskej cyrkwi zakónči so z woblubowanej twórbu Georga Friedricha Händela „Dźowka Cion“, kotruž we wšěch móžnych rěčach a wšudźe rady zanošuja.