Minority SafePack wjac hač tři štwórć miliona ludźi podpisało
Choćebuz (SN/JaW). Wjace hač 750 000 ludźi po cyłej Europje je mjeztym wobydlersku iniciatiwu Federalistiskeje unije europskich narodnych mjeńšin (FUEN) Minority SafePack (MSPI) podpisało. Wo tym informowaše předsyda Domowiny Dawid Statnik čłonow zwjazkoweho předsydstwa na pjatkownym posedźenju w internaće Choćebuskeho Delnjoserbskeho gymnazija. Informacije bě wón z FUEN dóstał.