Kulturne towarstwo dwaceći lět

Donnerstag, 15. März 2018
Artikel bewerten
(0 Stimmen)
Na zarjadowanjach kaž tule na lońšim ptačim kwasu předsyda Bukečanskeho kulturneho towarstwa Domaš Žur (nalěwo) sobu zastupny pjenjez zběra. Čłonojo  towarstwa pak gastronomiske zastaranje zaručeja.  Foto: Jurij Helgest Na zarjadowanjach kaž tule na lońšim ptačim kwasu předsyda Bukečanskeho kulturneho towarstwa Domaš Žur (nalěwo) sobu zastupny pjenjez zběra. Čłonojo towarstwa pak gastronomiske zastaranje zaručeja. Foto: Jurij Helgest

Bukečanske kulturne spěchowanske ­towarstwo swjeći zajutřišim, sobotu, 20lětne wobstaće. Wone so we wsy ­tohorunja wo někotrežkuli serbske ­zarjadowanje stara.

Bukecy (CS/SN). Po swojej lětnej hłownej zhromadźiznje sobotu w 15 hodź. zhladuje Bukečanske kulturne spěchowanske towarstwo na 20. róčnicu załoženja. ­Wu­tworili su je w aprylu 1998. Wone wuńdźe tehdy z přihotowanskeje skupiny za 775. jubilej Bukec, kotryž su 1997 wo­swjećili. Po tym zo běchu jubilejny swjedźeń wuspěšnje přewjedli, wob­dźěleni měnjachu, zo je wažne, wuprudźenje, kotrež bě swjedźeń na wjes a region měł, do přichoda wjesć. Tuž wobzamknychu towarstwo załožić. 18 rjadnych a dwaj spěchowanskaj čłonaj jemu spočatnje přisłušachu. Mjeztym je ličba na 30 rozrostła.

Veröffentlicht in Towarstwa
Bitte anmelden, um einen Kommentar zu posten

Anzeige