Młodostni wo wužadanjach serbskeje rěče rozmyslowali

Budyšin (ap/SN). Sy dyrbjał/a hižo raz swoju maćeršćinu zatajić abo sy někoho pozitiwnje w zwisku ze serbšćinu wobwliwować móhł/a? Z tajkimi a podobnymi prašenjemi rozestajichu so wobdźělnicy na spočatku sobotneje dźěłarnički pod hesłom „Dokal wjedźe přichod serbšćiny?“ w Budyskej Röhrscheidtowej bašće. Na workshopje za serbskich młodostnych wěnowaše so něšto wjac hač dźesać wobdźělnikow swójskim nazhonjenjam, přećam a wužadanjam nastupajo serbsku rěč. Dźěłarnička bě dźěl wědomostneho projekta Sustaining Minoritized Languages in Europe (zachowanje mjeńšinowych rěčow w Europje; SMiLE), w kotrymž přepy­tujetej dr. Nicole Dołowy-Rybińska a dr. Cordula Ratajczakowa procesy rewitalizacije hornjo- a delnjoserbšćiny.