Towarstwo přećelow Serbow chce kursy serbšćiny w Praze wozrodźić

Praha (OŠ/SN/bn). Towarstwo přećelow Serbow (SPL) je minjenu sobotu w Praskim Serbskim seminarje swoju hłownu a wólbnu zhromadźiznu přewjedło. Předsydstwo SPL předstaji čłonam rozprawu dźěławosće kaž tež hospodarski plan a informowaše přitomnych wo wuhladach za přichod. Planowane na přikład je, kursy serbšćiny na Karlowej uniwersiće čěskeje stolicy wozrodźić. Tež prózdninske lěhwo za serbske a čěske dźěći chcedźa přichodnje wuhotować. Cyłkownje wuswědči sej předsydstwo reto­mas wuspěchow, štož tež předsyda Domowiny Dawid Statnik w swojich postrow­nych słowach wobkrući.