Přełožowanska technika hodźi so nětko wupožčić

Donnerstag, 28. Mai 2020
Artikel bewerten
(0 Stimmen)
Předsyda Domowiny Dawid Statnik je dźensa Francisce Grajcarekec a Janej Kralej w serwisowym běrowje za serbsku rěč nowu techniku přepodał.  Foto: Gernot Menzel Předsyda Domowiny Dawid Statnik je dźensa Francisce Grajcarekec a Janej Kralej w serwisowym běrowje za serbsku rěč nowu techniku přepodał. Foto: Gernot Menzel

Wojerecy (SN/at). Posedźenje gmejnskeje rady dwurěčnje wotměć a wobsahi simultanje do serbšćiny a němčiny přełožić móc, to bě dotal přeće wjacorych zamołwitych, zo móhli našej maćeršćinje w swojim wobłuku wjetši prestiž přicpěwać. Na woli njeje dotal klacało, skerje na trěbnej technice. Za jednu komunu pak njeby so tajka inwesticija wudaniła.

Argument pobrachowaceje přełožowanskeje techniki wotnětka wjace njepłaći. Nastroje su kupjene a ze serbskeho komunalneho programa Swobodneho stata Sakskeje z nimale 20 000 eurami financowane. Předsydźe Domowina Dawidej Statnikej bě to dźensa dopołdnja wulke wjeselo, sobudźěłaćerjam serwisoweho běrowa za serbsku rěč we Wojerecach Francisce Grajcarekec a Janej Kralej přełožowansku techniku přepodać. Wonaj staj komunam k dispoziciji, maja-li tam prašenja abo chcedźa-li sej nastroje wupožčić.

Veröffentlicht in Towarstwa
Bitte anmelden, um einen Kommentar zu posten

Serbska debata

Neuheiten LND