Spěwohra z doby klasiki a moderna groteska tworitej ambiwalentny cyłk

Budyšin (SN/bn). Serbski ludowy ansambl kroči ze swojej najnowšej nazymskej produkciju „Dolina – Neuland“ nadal po eksperimentelnym puću, kajkiž je před třomi lětami zahajił. Něhdźe 90 wopytowarjow na žurli SLA mytowaše předwčerawšim prapremjerne předstajenje ze sylnym přikleskom. Inscenacija wobsteji z klasiskeje spěwohry Emilie Mayer „Die Fischerin“ po teksće Johanna Wolfganga von Goetheho a groteski „Ptačk architektki“, skomponowaneje wot ­Christiana Mietkim na słowa Róže ­Domašcyneje.