Beachvolleyballisća SGB suwerenje startowali

Donnerstag, 17. September 2015
Artikel bewerten
(0 Stimmen)
Holcy a hólcy 10. a 11. lětnika Serbskeho gymnazija Budyšin wubědźichu sej w Budyskej Sprjewinej kupjeli titul wokrjesneho mištra w beachvolleyballu. Wotlěwa  su to Anni Leidig, Toni Rudolph, Jessica Hetschick, Józef Hantuš, Maksimilian Jurack, Matej Cyž a Swenja Wowčerjec. Foto: Měrko Korjeńk Holcy a hólcy 10. a 11. lětnika Serbskeho gymnazija Budyšin wubědźichu sej w Budyskej Sprjewinej kupjeli titul wokrjesneho mištra w beachvolleyballu. Wotlěwa su to Anni Leidig, Toni Rudolph, Jessica Hetschick, Józef Hantuš, Maksimilian Jurack, Matej Cyž a Swenja Wowčerjec. Foto: Měrko Korjeńk

Wokrjesne finale we wubědźowanju „Młodźina trenuje za olympiju“

Hrajerjo beachvolleyballa běchu ći prěni, kotřiž startowachu w nowym šulskim lěće do wubědźowanja „Młodźina trenuje za olympiju“. W Budyskej Sprjewinej kupjeli wotmě so při chłódnych temperaturach wokrjesne finale w starobnej klasy II (9. do 11. lětnik). Sportowcy Serbskeho gymnazija Budyšin (SGB) wobkrućichu znowa swoju dominancu. Woni přewinychu Schillerowy gymnazij Budyšin, Goethowy gymnazij Biskopicy a Wyšu šulu Biskopicy.

Turněr wotmě so po systemje „best of three“, to rěka, zo wojowachu mustwa – wobstejace stajnje z holčeje a hólčeje dwójki kaž tež z měšaneho porika – jednu­ sadźbu hač do 21 dypkow. Beachvolleyballistce Jessica Hetschickec z Dalic a Anni Leidigec z Cyžec, dwójka Józef Hantuš z Radworja/Matej Cyž z Chrósćic a měšany team Swenja Wowčerjec z Prěčec/Maksimilian Jurack z Malešec nje­dachu sportowej konkurency w pěsku žanu šansu na dobyće. Mustwo SGB skompletowa Toni Rudolph z Wulkeje Dubrawy a dopomha jako wuměnowy hrajer rjanemu wuspěchej serbskeho kubłani­šća.

Veröffentlicht in Sport
Bitte anmelden, um einen Kommentar zu posten

Anzeige

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte