Merkel: Noweho solidarneho přinoška njebudźe
Berlin (dpa/SN/K). Za zmištrowanje migrantskeje krizy nochce zwjazkowa kanclerka Angela Merkel (CDU) dawki zwyšić. Za to njebudźe žanoho noweho solidarneho přinoška ani zwyšenja dawkow, wona rjekny. W EU schadźa přiwšěm dowidźenje, zo změja čłonske staty za to přidatne srědki zwjesć. Zetkanje kanclerki z nutřkownymi ministrami Zwjazka a krajow wčera wječor njeje prawdźepodobnje žane wuslědki wunjesło. Po pjeć hodźin trajacym wuradźowanju je po słowach sewjerorynsko-westfalskeho nutřkowneho ministra Ralfa Jägera (SPD) wšitcy wuwědomili, zo da so kriza jeničce z cyłym paketom naprawow zmištrować a nic z jednotliwymi kročelemi.
