Čłonojo Sakskeje Serbskeje rady Leńka Thomasowa, Dawid Statnik, předsydka Marja Michałkowa a Manfred Hermaš (wotlěwa) su dźensa w Budyšinje předźěłany lětak gremija předstajili a swoju lońšu dźěławosć bilancowali. Přichodny tydźeń rozesćelu flajer do serbskich domjacnosćow. Městopředsyda Hubertus Ryćer njemóžeše so chorosće dla wobdźělić. Foto: SN/Maćij Bulank
Serbska rada chce serbsku wučbu tež zwonka sydlenskeho ruma skićić
Budyšin (SN/JaW). Rada za serbske naležnosće Sakskeje chce so za změnu sakskeho šulskeho zakonja zasadźić. To zdźěli předsydka rady Marja Michałkowa (CDU) dźensa nowinarjam w Budyšinje.