Třeće zrěčenje wo financowanju Załožby za serbski lud podpisali
Berlin (SN/JaW). Financowanje Załožby za serbski lud je hač do lěta 2020 zawěsćene. Tole zaruča zrěčenje mjez Zwjazkom, Sakskej a Braniborskej. Dokument su wčera zwjazkowy nutřkowny minister Thomas de Maizière, sakski ministerski prezident Stanisław Tilich (wobaj CDU) a ministerski prezident Braniborskeje Dietmar Woidke (SPD) podpisali. Załožba za serbski lud dóstawa wotnětka lětnje 18,6 milionow eurow, něhdźe 1,8 milionow eurow wjace hač dotal.
