Ukraina přiwšěm wot njewěstosćow potrjechena

Kijew (dpa/K/SN). Ukraina wostawa dale w krizy. Byrnjež samo prezident Petro Porošenko premiera Arsenija Jacenjuka naležnje k wotstupej namołwił, dokelž jeho knježerstwo mnohe trěbne nadawki njespjelnja a njeparujomne reformy nje- zwoprawdźa, tón na to njemysli, zastojnstwo złožić. Wčera je Jacenjuk w parlamenće přetrał wothłosowanje wo dowěrje. W najwyšej radźe hłosowaše jeno 194 zapósłancow přećiwo prozapadnemu politikarjej, za jeho powalenje by 226 hłosow trěbnych było. Na to je Strona wótčiny Julije Timošenko proeuropsku knježerstwowu koaliciju wopušćiła.