LND z wothłosom na prěni dźeń knižnych wikow spokojom

Lipsk (Žu/SN) Knižnu premjeru biografije „Jurij Brězan. Leben und Werk“ je wčera popołdnju na knižnych wikach w Lipsku něhdźe šěsćdźesat zajimcow, mjez nimi mnozy Serbja, sćěhowało. Jednaćelka Ludoweho nakładnistwa Domowina Marka Maćijowa witaše jich němsce a serbsce w čitanskej rumnosći Foruma za wěcne a fachowe knihi.