Hochoza (CoR/SN). Wjace hač połsta přihladowarjow dožiwi minjeny pjatk w derje pjelnjenym Hochožanskim gmejnskim centrumje jara poradźenu delnjoserbsku premjeru „Do źěła – no, chop! abo Ty sy góspozowaŕ, lubańk!“ Němsko-Serbskeho ludoweho dźiwadła Budyšin. Bě to zdobom prapremjera krimijoweje komedije Guntera Antraka w Němskej, kiž je sej jako kabaretist w Drježdźanskim dźiwadle „Komödie“ kaž tež z telewizijnymi produkcijemi, kaž „Salto Kommunale“, wěsty renomej zdobył. Ingrid Hustetowa bě hru do delnjoserbšćiny přenjesła.