Nalětnje rjedźenje při haće
Worklecy. Wobydlerjo Worklečanskeje gmejny su jutře, 30. apryla, w 9.30 hodź. k tradicionalnemu nalětnjemu rjedźenju při haće namołwjeni. Woni zetkaja so při lehnišću kołpjow. Gmejnski zwjazk CDU nadźija so bohateho wobdźělenja.
Ze smólnicami po wsy
Hodźij. Jutře přewjedu w Hodźiju – na swjedźenišću při młodźinskim klubje – zaso chodojtypalenje. Swjedźeń započnje so w 17 hodź. w stanje, hdźež chcedźa dźěći šminkować. Wot 19.30 hodź. poćahnu Hodźijčenjo a jich hosćo ze smólnicami po wsy, zo bychu z přewodom kapały wohnjoweje wobory po staru wjeru šli. „Nadobnu“ chcedźa po ćmičkanju na wulkej hromadźe spalić. Wot 21 hodź. su reje z Passion Soundmachine.
Na jubilejny koncert Delanow
