Wotewru wustajeńcu
Slepo. „Što zwostanje? – 90 lět přesydlenja we łužiskim brunicowym rewěrje“ rěka pućowanska wustajeńca Hórnikečanskeje energijoweje fabriki, kotruž wotewru pjatk, 13. meje, w 10 hodź. w Slepjanskim Serbskim kulturnym centrumje. Zawod do přehladki poda jeje awtor Robert Lorenc, hudźbne wobrubjenje přewozmje Michael Syrbe na klawěrje. Na přikładźe Bukojny, Čelnoho a Zagorja přehladka dokumentuje, kak su ludźo zhubjenje domizny začuwali, kotre slědy tychle wsow su dźensa hišće widźeć a kak běchu potrjechenych wotškódnili. Slepo je poslednja stacija wustajeńcy, kotraž budźe tam hač do 15. junija widźeć. Potom změje wona swoje trajne městno w Hórnikečanskej energijowej fabrice.
Předawaja lisćiki