Jubilejny swjedźeń w Delanach
Sernjany. Wot dźensnišeho do njedźele wotměwaja Sernjančenjo swój 40. wjesny swjedźeń. Po zwučenym wašnju započinaja jón z wubědźowanjom wohnjowych woborow. Po natočenju piwa su reje z diskoteku High-Life. Jutře je wot 14 hodź. volleyballowy turněr, za kotryž móža so hišće mustwa pola Damarisy Handrikec w Hrańcy přizjewić. Wot 21 hodź. je livehudźba z kapału Express-Partyband. Po tym stara so RDE-Discoteam wo prawu naladu. Njedźelu dopołdnja budu w Sernjanach widźeć historiske jězdźidła. Wot 15 hodź. je program z Heikom Harigom, Dr. Tastu a Měrćinom Weclichom, kotryž moderěruje Diana Fryčec-Grimmigowa. Na kóncu swjedźenja wubědźuja so wjesne mustwa w„LPG-marathonje“. Wot 20 hodź. zapiska Dr. Taste hišće raz k rejam.
Hoł a tołk w Koćinje
