Wubědźowanje „Łužicy/Lausitzen 2017“ zaběžało
Budyšin (SN/CoR). „Wjele wjesela“ publikumej přeć, to nowy wyši hrajny nawoda Němsko-Serbskeho ludoweho dźiwadła Stefan Wolfram hižo zamóže. Swój debit jako tajki pak poda wón jako režiser inscenacije „Teror“ Ferdinanda von Schiracha w němskej rěči. Hra wosebiteho razu, w kotrejž publikum jako přisydnik wo kóncu rozsudźi, změje 22. septembra w přisaharni Budyskeho krajneho sudnistwa premjeru. „Chcu do dialoga z tudyšim publikomom přińć. A k tomu so hišće z kulturu Serbow zeznajomić, to mam za jara zajimawe wužadanje“, rozłoži Stefan Wolfram na wčerawšej nowinarskej konferency.
