Pokiwy (04.11.16)

Freitag, 04. November 2016
Artikel bewerten
(0 Stimmen)

Předstaja knihu

Budyšin. Knihu „Lausitzer Fotografien – Wobrazy z Łužicy 1957–1990“ předstajitaj awtor Gerald Große a wudawaćel Jürgen Maćij štwórtk, 10. nowembra, w 19.30 hodź. w Budyskej Smolerjec kniharni. Wobrazowy zwjazk zaběra so ze skutkowanjom Geralda Großy w jeho łužiskej domiznje a pokazuje, kak fotograf tež změny a napřećiwki wušiknje do swojich motiwow zapřijima. Zajimcy su wutrobnje přeprošeni.

Wjesela so na serbske dźiwadło

Drježdźany. W mjenje Budyskeho Němsko-Serbskeho ludoweho dźiwadła přeproša Drježdźanske towarstwo Stup dale zajimcow na serbskorěčne předstajenje. Jutře,­ 5. nowembra, w 19.30 hodź. pokaza NSLDź „Do dźěła zdar!“ ze simultanym přełožkom do němčiny, a to na Sakskich krajnych jewišćach, Mišnjanska dróha 152 w Radebeulu.

Dohlad do proby chóra dóstać

Budyšin. Štóž chce wědźeć, kak wšědny dźeń w chórje wotběži, ma składnosć k tomu, a to njedźelu w 16 hodź. na žurli Serbskeho ludoweho ansambla. W tamnišej kofejowni poskića hižo wot 15 hodź. kofej a tykanc.

Wola noweho princa

Veröffentlicht in Pokiwy
Bitte anmelden, um einen Kommentar zu posten

Anzeige