Analyzuja „Pěsnički“
Budyšin. Na přednošk a rozmołwu přeprošatej sekcija hudźba Maćicy Serbskeje a Towarstwo za staru serbsku ludowu hudźbu štwórtk, 8. decembra, w 19.30 hodź. do Budyskeho Serbskeho domu (stwa 106). Tónraz póńdźe wo kritisku analyzu Smolerjowych „Pěsničkow“, zakładneje knihi serbskeho wozrodźenja a prěnjeho młodoserbskeho hibanja. Wšitcy zajimcy su witani.
Film wo njetopyrjach widźeć
Stróža. Fascinowace wobrazy wo žiwjenju njetopyrjow budu jutře, srjedu, w 19 hodź. w Stróžanskim Domje tysac hatow widźeć. We wobłuku wobswětoweho kubłanskeho dźěła zarjadnistwa biosferoweho rezerwata Hornjołužiska hola a haty pokazataj tam Pětr a Stefan Symank swój film „Z echolotom a ultrazwukom“. Cyłe lěto běštaj filmowcaj, kotrajž tohorunja za telewizijny magacin Wuhladko dźěłataj, na slědach jeničkich lětacych cycakow swěta a staj wo nich njewšědnje spektakularne wobrazy zapopadnyłoj. Zastup płaći dwaj euraj, potuńšene euro.
Rěčne hodźiny