Serbscy awtorojo na knižnych wikach

Donnerstag, 23. März 2017
Artikel bewerten
(0 Stimmen)

Lipsk (SN/CoR). Lipšćanski wobydlerski komitej přeproša jutře, 24. měrca, w 16 hodź. do wopomnišća Museum in der Runden Ecke am Dittrichring 24. Tam předstaji historikar dr. Timo Meškank w rozmołwje ze sakskim krajnym społnomócnjenym za podłožki stasi bywšeje NDR Lutz Rathenow knihu „Sorben im Blick der Staatssicherheit“.

Jutře, pjatk, w 20 hodź. wobdźěli so basnica Róža Domašcyna­ ze zběrku „Die dörfer­ unter wasser sind in deinem kopf beredt“ na čitanju­ njewot­wisnych nakładnistwow w kofejowni hrajnišća Lin­denfels Westflügel na Hähnelowej dróze 27.

Sobotu, 25. měrca, w 13 hodź. prezentujetaj LND a wudawaćel Jürgen Maćij zwjazkaj historiskich fotografijow z Hornjeje a Delnjeje Łužicy „Wotmolowane“, a to na forumje za wěcne knihi w hali 3, stejnišćo E201. Zarjadowanje moderěrować budźe kulturny historikar prof. dr. Bernd Lindner.

Sobotu wot 20.15 hodź. wobdźěla so mjez druhim Róža Domašcyna, Hanka Šołćic a Milan Hrabal na Lipšćanskej nocy přełožowarjow, kotraž budźe w nakładnistwje Leipziger Literaturverlag na Brockhausowej 56.

Njedźelu, 26. měrca, w 15 hodź. chce přełožerka Hanka Šołćic sobu předstajić antologiju portugalskich powědarkow přitomnosće „Von Weiß bis Schwarz“, a to w Mjezynarodnym forumje centrum přełožerjow C500 w hali 4.

Veröffentlicht in Serwis
Bitte anmelden, um einen Kommentar zu posten

Anzeige