Forum wo hospodarskej politice
Pančicy-Kukow. Zapósłanča zwjazkoweho sejma Marja Michałkowa (CDU) wotměje jutře, srjedu, w 19 hodź. zjawny wobydlerski forum w „Klóšterskej stwičce“ w Pančicach-Kukowje. W srjedźišću ma stać hospodarska politika Zwjazka. Jako wěcywustojneho hosća witaja tam zapósłanca zwjazkoweho sejma a čłona jeho hospodarskeho wuběrka dr. Reinharda Brandla (CDU). Zajimcy su wutrobnje přeprošeni a namołwjeni sobu diskutować.
Znamjo za tolerancu
Wojerecy. Z akciju „Dźeń a nóc za tolerancu“ chcedźa jutře, srjedu, we Wojerecach znowa znamjo za mjezsobny respekt, za zhromadnosć a přećiwo hidźe na wukrajnikow sadźić. Na wjacorych městnach wotměja so wšelake zarjadowanja. W Ćišćanskej pěstowarni móža so dźěći z wjacorych kulturow zeznać. We wobydlerskim centrumje Piwarska hasa 1 spřistupnja sej šulerjo 6. lětnika temu ćěkancy a azyl. W 19 hodź. budźe tam přednošk wo kolesowanskej jězbje z Drježdźan do Myanmara. Dalše zarjadowanja přewjedu mjez druhim na dźěćacej a młodźinskej farmje a w młodźinskim klubje Ossi.
Zhromadny dźeń za 7. a 8. lětnik
