Na Budyskim forumje wo kontrolowanym dźěćatstwje w NDR diskutowali

Budyšin (SN/BŠe). Indiwiduelne dźěćatstwo a lěta młodosće, kaž je to dźensa z wašnjom, bě za čas NDR njepředstajomne a njebě ani praktikabelne. To je wuslědk podijoweje diskusije na temu „Kontrolowane dźěćatstwo a młodźina za čas NDR“ wčera popołdnju na Budyskim forumje. Znaty žurnalist a awtor Michael Kraske z Lipska, kiž diskusiju nawjedowaše, potwjerdźi, zo su tež dźěći hižo hranicy a kontrolu začuwali. Tomu móžeše sakski krajny społnomócnjeny za předźěłanje diktatury SED Lutz Rathenow přihłosować. Diskusije staršich – kaž wo 17. juniju, ćěkanju znatych abo regularijach na šulach a wo z tym zwisowacym powołanskim žiwjenju swójskich dźěći – běchu wšehowšudźomne. „Permanentna politiska sensibilizacija je so mi do pomjatka zašćěpiła“, Rathenow podšmórny. Tak začuwaše wón ćišć so tamnym přiměrić, nochcyše dźě zwonka stać. To móžeše tež nawodnica Lipšćanskeho wonkowneho stejnišća za podłožki stasi bywšeje NDR Regina Schild wobkrućić. „Doma smědźach wšo rjec, w šuli nic.